मुंबई | अमेझॉन कंपनी समाजातील विद्यार्थिनींना सक्षम करण्यासाठी एक महत्त्वाचे पाऊल टाकत आहे. कंपनीने यासाठी एक नवीन योजना आणली आहे. “अमेझॉन फ्युचर इंजिनियर (एएफई) बूटकॅम्प – Amazon Future Engineer (AFE) Bootcamp” असे या योजनेचे नाव आहे. या अंतर्गत महिलां विद्यार्थीनींना तंत्रज्ञान क्षेत्रात अधिक संधी उपलब्ध करून देण्यासाठी प्रयत्न करण्यात येणार आहेत.
या उपक्रमाद्वारे विद्यार्थिनींना हँड्स-ऑन प्रशिक्षण, मार्गदर्शन आणि करिअर मार्गदर्शन मिळणार आहे. यामुळे अनेक महत्वाकांक्षी महिलांना तंत्रज्ञान क्षेत्रात त्यांचे भविष्य साकारण्यास मदत होणार आहे.
काय आहे एएफई बूटकॅम्प? Amazon Future Engineer (AFE) Bootcamp.
एएफई बूटकॅम्प हे अमेझॉन फ्युचर इंजिनियर (Amazon) आणि झुवी (Zuvy) यांच्या संयुक्त सहकार्याने चालणारा मोफत तंत्रज्ञान प्रशिक्षण कार्यक्रम आहे. या उपक्रमामुळे विद्यार्थिनींना मौल्यवान कौशल्ये मिळविण्याची, तंत्रज्ञान उद्योगातील तज्ज्ञांकडून शिकण्याची आणि या क्षेत्रात करिअर करण्याची संधी मिळेल.
कोण अर्ज करू शकतात?
Amazon Future Engineer (AFE) Bootcamp सध्या अभियांत्रिकी पदवी घेणाऱ्या आणि पहिल्या किंवा दुसऱ्या वर्षात शिकणार्‍या महिला विद्यार्थिनींसाठी आहे. पात्रतेची माहिती खालीलप्रमाणे:
- शैक्षणिक क्षेत्र: बी.ई./बी.टेक (कम्प्युटर सायन्स), इनफॉर्मेशन टेक्नॉलॉजी, इलेक्ट्रॉनिक्स अँड कम्युनिकेशन इंजिनियरिंग किंवा इलेक्ट्रिकल इंजिनियरिंग यामध्ये शिक्षण घेणाऱ्या विद्यार्थिनी.
- आर्थिक पात्रता: अर्ज करणाऱ्या विद्यार्थिंनीच्या कुटुंबाचे वार्षिक उत्पन्न रु. 3 लाख पेक्षा कमी असावे.
निवड प्रक्रिया कशी चालते?
सर्वोत्तम उमेदवारांची निवड व्हावी यासाठी एएफई बूटकॅम्पची निवड प्रक्रिया अनेक टप्प्यांतून जाते:
- अर्ज सादर करणे: या कार्यक्रमासाठी अर्ज करण्यासाठी इच्छुक विद्यार्थिनींना ऑनलाइन फॉर्म भरावा लागतो.
- स्क्रीनिंग आणि व्हिरिफिकेशन: अर्ज सादर केल्यानंतर, झुवी टीम अर्ज करणाऱ्या मुलींची स्क्रीनिंग कॉल घेईल.
- कागदपत्र सादर करणे: कुटुंबाची आर्थिक पार्श्वभूमी आणि शैक्षणिक प्रमाणपत्रांची पुष्टी करणारे कागदपत्रे सादर करावी लागतील.
- परीक्षा आणि मुलाखत: निवड झालेल्या उमेदवारांना परीक्षा आणि मुलाखतींच्या प्रक्रियेतून जावे लागेल. या प्रक्रियेच्या प्रत्येक टप्प्यावर विद्यार्थिनींना अद्यतन माहिती दिली जाईल.
एएफई बूटकॅम्प दोन प्रमुख टप्प्यांमध्ये विभागलेला आहे.
टप्पा 1: मूलभूत प्रशिक्षण (2 महिने)
- उद्देश: तंत्रज्ञानाच्या मूलभूत गोष्टींची मजबूत पायाभूत तयारी करणे.
- विषय:
- पायथॉन प्रोग्रामिंग: पायथॉनची मूलभूत संकल्पना, सिंटॅक्स, डेटा स्ट्रक्चर्स आणि अल्गोरिदम शिकवले जातात.
- कृत्रिम बुद्धिमत्ता (आर्टिफिशियल इंटेलिजेंस): एआयची मूलभूत संकल्पना, मशीन लर्निंग आणि डीप लर्निंग यांचा परिचय करून दिला जातो.
- समस्या सोडवणे: तार्किक आणि विश्लेषणात्मक कौशल्ये विकसित करण्यासाठी विविध प्रकारच्या समस्या सोडवण्याच्या पद्धती शिकवल्या जातात.
- ध्येय: विद्यार्थिनींना तंत्रज्ञान क्षेत्रातील करिअरसाठी आवश्यक असलेली मूलभूत तयारी करून देणे.
टप्पा 2: अत्याधुनिक प्रशिक्षण (10 महिने)
- उद्देश: टप्पा 1 मधील ज्ञानावर आधारित अधिक गहन आणि व्यावहारिक प्रशिक्षण.
- विषय:
- जावा प्रोग्रामिंग: जावा प्रोग्रामिंग भाषा आणि त्याच्या अनुप्रयोगांचे सखोल ज्ञान दिले जाते.
- डेटा स्ट्रक्चर्स आणि अल्गोरिदम: डेटा स्ट्रक्चर्स आणि अल्गोरिदमच्या विविध प्रकारांचे विश्लेषण आणि अंमलबजावणी करण्याचे कौशल्य विकसित केले जाते.
- उद्योगातील साधने: विद्यार्थिनींना उद्योगात वापरल्या जाणाऱ्या विविध तंत्रज्ञान साधनांचा वापर करण्याचे प्रशिक्षण दिले जाते.
- ध्येय: विद्यार्थिनींना उद्योगात कार्यरत राहण्यासाठी आवश्यक असलेली उन्नत पातळीची कौशल्ये प्रदान केली जातात.
दोन्ही टप्प्यांमध्ये विद्यार्थिनींना खालील सुविधा उपलब्ध करून दिल्या जातात:
- मोफत लॅपटॉप: टप्पा 2 मध्ये निवडलेल्या सर्वोत्तम 1000 विद्यार्थिनींना मोफत लॅपटॉप दिला जातो.
- मोफत कोडिंग प्रशिक्षण: 12 महिन्यांचे मोफत कोडिंग प्रशिक्षण दिले जाते.
- प्रमाणपत्र: कार्यक्रम पूर्ण केल्यानंतर विद्यार्थिनींना प्रमाणपत्र दिले जाते.
- इंटर्नशिपच्या संधी: अमेझॉन आणि त्याच्या भागीदार कंपन्यांमध्ये इंटर्नशिपच्या संधी उपलब्ध असतात.
हे बूटकॅम्प महिला विद्यार्थिनींना तंत्रज्ञान क्षेत्रात करिअर करण्यासाठी एक उत्तम संधी प्रदान करते.
अर्ज कुठे कराल?
- अमेझॉन फ्यूचर इंजिनियरची अधिकृत वेबसाइट पहा – Amazon Future Engineer
- झुवीची वेबसाइट पहा – https://zuvy.org/apply