राज्यातील रहिवासाचे प्रमाणपत्र म्हणून वय, राष्ट्रीयत्व आणि अधिवास प्रमाणपत्र (डोमेसाइल) देण्यात येते. पासपोर्टपासून इतर महत्त्वाच्या कामांसाठी हे डोमेसाइल प्रमाणपत्र आवश्यक असते. परंतु हे डोमिसाईल सर्टिफिकेट कसे काढावे? How to Get Domicile Certificate? हा प्रश्न प्रत्येक विद्यार्थी व पालकाच्या मनात असतो. आज आपण याच प्रश्नाच उत्तर जाणून घेणार आहोत.
डोमिसाईल सर्टिफिकेट कुठे मिळते?
पूर्वी राज्यातील कोर्टांमध्ये मिळणारे हे प्रमाणपत्र आता जिल्हाधिकाऱ्यांच्या सेतू कार्यालयात, तर सरकारतर्फे सुरू केलेल्या महा ई-सेवा केंद्रात ऑफलाइन आणि ऑनलाइन उपलब्ध करून दिले आहे.
डोमेसाइल प्रमाणपत्र काढण्यासाठी जिल्हाधिकारी कार्यालयात असणाऱ्या सेतू कार्यालयात जाऊन यासाठी अर्ज करता येऊ शकतो. किंवा राज्य सरकारने ‘आपले सरकार’च्या महाऑनलाइनच्या https://aaplesarkar.mahaonline.gov.in माध्यमातून ऑनलाइन आणि ऑफलाइन पद्धतीने अर्ज करण्याची सुविधा उपलब्ध करून दिली आहे.
डोमासाईल प्रमाणपत्रासाठी आवश्यक कागदपत्रे
ओळखीचा पुरावा
पॅन कार्ड, पासपोर्ट, आधारकार्ड, मतदान कार्ड, रोजगार हमी योजना ओळखपत्र, ड्रायव्हिंग लायसन्स, फोटो, सरकारकडून देण्यात आलेले ओळखपत्र यापैकी एक कागदपत्रं
पत्ता दर्शवणारा पुरावा
पासपोर्ट, आधारकार्ड, मतदान कार्ड, रेशन कार्ड, पाणी बील, ड्रायव्हिंग लायसन्स, फोटो, वीज बील, घरफळा पावती, सातबारा किंवा 8 अ उतारा, यापैकी एक कागदपत्रं अर्जदार 18 वर्षांपेक्षा कमी वयाचा असल्यास बोनाफाईड प्रमाणपत्र, शाळा सोडल्याचा दाखला, वडिलांचं डोमासाईल प्रमाणपत्र, शाळा प्रवेशाचा पुरावा,
रहिवासी दाखला
तलाठी, ग्रामसेवक यांच्याकडून घेतलेला रहिवासी दाखला वय, अधिवास आणि राष्ट्रीयत्व प्रमाणपत्र काढण्यासाठी आवश्यक असतो.
स्वंयघोषणा पत्र
डोमिसाईल प्रमाणपत्र काढण्यासाठी स्वंयघोषणापत्र भरुन द्यावे लागते. हे सर्वांसाठी अनिवार्य असून ते अर्जासोबतच भरुन द्यावे लागते.
आपले सरकार पोर्टलवर किंवा तहसीलदार कार्यालयात वरील सर्व कागदपत्रांसह अर्ज सादर केल्यानंतर 15 दिवसांच्या कालावधीत मंजूर होईल आणि तुम्हाला वय, राष्ट्रीयत्व आणि अधिवास प्रमाणपत्र मिळून जाईल.
आपले सरकार पोर्टलवर अर्ज कसा करायचा?
आपले सरकारवर नवीन वापरकर्ता नोंदणी या लिंकवरुन नाव, मोबाईल नंबर आणि ईमेल आयडी टाकून तुमचा लॉगीन आयडी तयार करुन घ्या. लॉगीन केल्यानंतर डॅशबोर्डवर विविध विभाग पाहायला मिळतील त्यातून तुम्ही महसूल विभाग निवडा. पुढे महसूल सेवा निवडा. तिथून पुढे वय, राष्ट्रीयत्व आणि डोमासाईल प्रमाणपत्र हा पर्याय निवडा. पुढे ओपन होणाऱ्या विंडोमध्ये आवश्यक कागदपत्रांची यादी वाचून घ्या, त्याप्रमाणे ती तयार ठेवा कारण ती वेबसाईटवर अपलोड करावी लागते.
तिथे दिलेल्या पुढील वेबसाईटवर जाऊन वैयक्तिक माहिती, पत्ता, किती वर्षांपासून त्या पत्त्यावर राहतो ती माहिती सादर करा. 18 वर्षांपेक्षा कमी वय असणाऱ्या व्यक्तीचे प्रमाणपत्र काढायचे असेल तर लाभार्थ्याची माहिती सादर करावी.
अपलोड करायची असलेली कागदपत्रे 75 केबी ते 500 केबीच्या दरम्यान असावीत. सर्व कागदपत्रे अपलोड करून, फोटो आणि सही देखील अपलोड करावी. यानंतर अर्ज सादर करावा आणि अर्जाचे शुल्क ऑनलाईन पद्धतीने जमा करावे. अर्ज सबमिट करून शुल्क भरल्यानंतर जी पावती मिळेल ती सेव्ह करुन ठेवावी.
15 दिवसात मिळेल डोमिसाईल प्रमाणपत्र
आपले सरकार पोर्टलवर किंवा तहसीलदार कार्यालयात वरील सर्व कागदपत्रांसह अर्ज सादर केल्यानंतर 15 दिवसांच्या कालावधीत मंजूर होईल आणि तुम्हाला वय, राष्ट्रीयत्व आणि अधिवास प्रमाणपत्र मिळून जाईल. काही अडचणीमुळे प्रमाणपत्र प्राप्त न झाल्यास 15 दिवसानंतर आपले सरकारच्या वेबसाईटवर लॉगीन करुन अपील अर्ज सादर करु शकता.