जळगाव | राज्यातील विविध जिल्हा परिषदेतील रिक्त पदांवर लवकर भरती होणार असून जळगाव जिल्हा परिषद येथे 619 जागासाठी भरती होणार आहे. जळगाव जिल्हा परिषदेमार्फत एकूण 619 जागांवर भरती होणार आहे. (Jalgaon Zilla Parishad Bharti 2023)
वर्ग तीनच्या विविध जागांसाठी ही भरती केली जाणार आहे. सरळसेवेतून ऑनलाइन परीक्षा होऊन आयबीपीएस कंपनीला परीक्षेचे कार्य देण्यात आले आहे. राज्यभरातील भरतीचे नियंत्रण पुणे जिल्हा परिषद अंतर्गत केले जाणार आहे. (Jalgaon Zilla Parishad Bharti 2023)
स्वातंत्र्याच्या अमृत महोत्सवी वर्षात 75 हजार पदे भरण्याचा निर्धार शासनाने केला आहे. ग्रामविकास विभागातंर्गत राज्यभरात 18 हजार पदे सर्व जिल्हा परिषद अंतर्गत विविध संवर्गातून भरण्यात येणार आहे. (Jalgaon Zilla Parishad Bharti 2023)
त्यानुसार जळगाव जिल्हा परिषदेत गट क मध्ये 16 संवर्गातील अंदाजीत 612 पदे सरळ सेवेने भरण्यात येणार आहेत. अशी माहिती जिल्हा परिषदेचे मुख्य कार्यकारी अधिकारी डॉ. पंकज आशिया यांनी प्रसिध्दी पत्रकान्वये दिली आहे.
कोणती पदे रिक्त आहेत?
आरोग्य सेवक महिला २९१, आरोग्य सेवक पुरुष ७४, कंत्राटी ग्रामसेवक ५८, कनिष्ठ सहायक (लिपिक) २८, पशुधन पर्यवेक्षक २६, कनिष्ठ अभियंता (स्थापत्य) ५०, स्थापत्य अभियांत्रिकी सहायक ४२, औषध निर्माण अधिकारी १०, पर्यवेक्षिका ९, पेसा क्षेत्रातील ११ विविध पदे भरली जाणार आहे.
भरतीसाठी पदे मंजूर झाली असली तरी या विषयीची अधिसूचना अद्यापही प्राप्त नाही. यासह वेळापत्रकही अद्याप जाहीर केलेले नाही. राज्यभरात एकाच वेळी ही भरती प्रक्रिया होणार असल्याचं समजते.
भरतीसाठी आवश्यक पात्रता काय?
जिल्हा परिषदेतील कनिष्ठ सहाय्यक पदासाठी आता किमान पदवी आवश्यक असणार आहे. या आधी बारावी उत्तीर्णची भरती होत होती. त्यात बदल करण्यात आला असून, नियुक्तीसाठी पदवी ही शैक्षणिक अर्हता आवश्यक करण्यात आल्याची राजपत्रात अधिसूचना जारी करण्यात आली आहे. अशी माहिती जिल्हा परिषदेच्या सूत्रांनी दिली.
या पदासाठी किमान ३० शब्द प्रतिमिनिट मराठी टंकलेखन किंवा ४० प्रति मिनिट इंग्रजी टंकलेखनाचे संगणक प्रमाणपत्र धारण करणे आवश्यक असल्याचे अधिसूचनेत म्हटले आहे. कनिष्ठ सहाय्यक पदावरील नियुक्तीसाठी पदोन्नतीने ४० टक्के, अनुकंपा तत्वावरील ५० टक्के व वाहनचालक यांना कायमस्वरूपी बदलीने १० टक्के प्रमाण लागू राहणार आहे. जिल्हा परिषदेत आगामी भरतीत कनिष्ठ सहाय्यकाची २८ पदे सरळ सेवा भरतीने भरण्यात येणार आहे.
यासंदर्भात आयबीपीएस या कंपनीशी सामंजस्य करार होऊन जाहिरातीशी संबंधित कार्यवाही अंतिम टप्प्यात असून लवकरच जिल्हा परिषदेच्या संकेतस्थळावर या भरतीची जाहिरात प्रसिद्ध करण्यात येणार आहे. यासोबतच एकूण रिक्त पदांच्या 10% पदे ग्रामपंचायत कर्मचाऱ्यांमधून तर 20 टक्के पदे अनुकंपाची या भरती प्रक्रिया दरम्यानच भरण्यात येणार आहेत. असेही डॉ. आशिया यांनी कळविले आहे.