पुणे | दहावी परिक्षेच्या निकालाची आतुरतेने वाट पाहणाऱ्या परिक्षार्थींसाठी आणि त्यांच्या पालकांसाठी ही महत्वाची अपडेट आहे. दहावीच्या (SSC Result 2023) परिक्षेच्या निकालाची प्रतिक्षा लवकरच संपणार असून सर्वच 9 विभागीय मंडळांचे निकाल लवकरच जाहीर केले जाणार आहेत. ‘टाईम्स नाऊ’ ने याबाबतचे वृत्त दिले आहे.
महाराष्ट्र राज्य माध्यमिक आणि उच्च माध्यमिक शिक्षण मंडळामार्फत (Maharashtra State Board of Secondary and Higher Secondary Education) मार्च – एप्रिल 2023 मध्ये घेण्यात आलेल्या माध्यमिक शालांत प्रमाणपत्र म्हणजेच दहावी परीक्षेचा निकालाची (SSC Result 2023) तारीख आता लवकरच जाहीर होणार आहे. दहावीची परीक्षा दिलेल्या विद्यार्थ्यांना अधिकृत वेबसाइटवर जाऊन निकाल पाहता येणार आहे. (ssc exam results dates declare)
महाराष्ट्र राज्य माध्यमिक व उच्च माध्यमिक शिक्षण मंडळाच्या पुणे, नागपूर, औरंगाबाद, मुंबई, कोल्हापूर, अमरावती, नाशिक, लातूर व कोकण या 9 विभागीय मंडळांमार्फत मार्च – एप्रिल 2023 मध्ये या परीक्षा घेण्यात आल्या होत्या. महाराष्ट्र एसएससी निकाल (SSC Result 2023) मे 2023 च्या शेवटच्या आठवड्यात किंवा जूनच्या पहिल्या आठवड्यात अधिकृत वेबसाइटवर जाहीर होण्याची अपेक्षा आहे.
दहावीच्या मार्च – एप्रिल 2023 परीक्षेत बसलेल्या सर्व विद्यार्थ्यांचे विषयनिहाय गुण अधिकृत वेबसाइटवर उपलब्ध होतील.
कुठे पाहाल निकाल?
पुढील वेबसाइटवर पाहता येईल निकाल –
1. https://ssc.mahresults.org.in
2. www.mahresult.nic.in
3. http://sscresult.mkcl.org
www.mahresult.nic.in या संकेतस्थळावर विद्यार्थ्यांच्या निकालाबरोबरच वेगवेगळी सांख्यिकी माहिती उपलब्ध होईल. तसेच www.mahahsscboard.in या संकेतस्थळावर शाळांना एकत्रित निकाल उपलब्ध होईल.