10वी पास: पोस्ट ऑफिसमध्ये ‘विमा एजंट’ पदांसाठी नोकरीची संधी, मुलाखतीव्दारे निवड | Postal Life Insurance Bharti 2026

Postal Life Insurance Bharti 2026: नोकरीच्या शोधात असलेल्या तरुणांसाठी भारतीय डाक विभागाकडून एक महत्त्वाची संधी उपलब्ध झाली आहे. विशेषतः केवळ दहावी उत्तीर्ण उमेदवारांसाठी ही भरती प्रक्रिया सुरू करण्यात आली असून, अमरावती जिल्ह्यात डाक जीवन विमा (Postal Life Insurance) योजनेअंतर्गत विमा एजंट पदांसाठी उमेदवारांची निवड केली जाणार आहे. इच्छुक आणि पात्र उमेदवारांकडून अर्ज मागविण्यात आले असून, ही संधी कमी शैक्षणिक पात्रता असलेल्या उमेदवारांसाठीही उपयुक्त ठरू शकते.

या भरतीसाठी उमेदवाराचे वय मुलाखतीच्या दिवशी किमान 18 वर्षे पूर्ण असणे आवश्यक आहे. तसेच उमेदवाराने किमान दहावी किंवा त्यास समकक्ष परीक्षा उत्तीर्ण केलेली असावी. उमेदवारांची निवड ही केवळ शैक्षणिक पात्रतेवर आधारित नसून त्यांचे व्यावसायिक कौशल्य, व्यक्तिमत्व, संवाद कौशल्य, जीवन विमा क्षेत्रातील ज्ञान आणि मुलाखतीत मिळालेल्या गुणांच्या आधारे केली जाणार आहे. त्यामुळे उमेदवारांनी मुलाखतीसाठी योग्य तयारी करणे आवश्यक आहे.

निवड झालेल्या उमेदवारांना 5 हजार रुपयांची अनामत रक्कम सुरक्षा ठेव म्हणून जमा करावी लागेल. ही रक्कम एनएससी (NSC) किंवा केव्हीपी (KVP) स्वरूपात ठेवावी लागणार आहे. उमेदवारांनी प्रशिक्षण पूर्ण केल्यानंतर त्यांना सुरुवातीला तात्पुरता परवाना दिला जाईल. पुढे आयआरडीए (IRDA) ची परीक्षा उत्तीर्ण झाल्यानंतर हा परवाना कायमस्वरूपी केला जाईल. ही परीक्षा नियुक्तीनंतर तीन वर्षांच्या आत उत्तीर्ण करणे बंधनकारक राहील.

ही नियुक्ती पूर्णपणे कमिशन तत्त्वावर आधारित असून निश्चित पगाराची व्यवस्था नसणार आहे. तसेच भारतीय डाक विभागाने कोणतीही पूर्वसूचना न देता निवड प्रक्रिया रद्द करण्याचा अधिकार राखून ठेवला आहे.

इच्छुक उमेदवारांनी आवश्यक कागदपत्रांसह ठरलेल्या दिवशी उपस्थित राहणे आवश्यक आहे. 10 वी उत्तीर्ण प्रमाणपत्र, आधारकार्ड, पॅनकार्ड आणि पासपोर्ट साईज फोटो घेऊन उमेदवारांनी 21 एप्रिल 2026 रोजी सकाळी 11 ते दुपारी 3 या वेळेत ‘प्रवर अधीक्षक कार्यालय, कॅम्प, अमरावती – 444602’ येथे उपस्थित राहावे, असे आवाहन करण्यात आले आहे.

खालील तक्त्यात भरतीची महत्त्वाची माहिती दिली आहे: Postal Life Insurance Bharti 2026