BEST मुंबई मध्ये बस ड्रायव्हर पदांची मोठी भरती; त्वरित अर्ज करा| BEST Mumbai Bharti 2025

BEST Mumbai Bharti 2025: मुंबईकरांच्या दैनंदिन प्रवासाचा एक अविभाज्य भाग असलेल्या BEST म्हणजेच बॉम्बे इलेक्ट्रिक सप्लाय अँड ट्रान्सपोर्ट तर्फे बस चालक पदासाठी मोठ्या प्रमाणात भरती जाहीर करण्यात आली आहे. तब्बल 350 रिक्त पदांसाठी ही भरती होणार असून अर्ज करण्याची अंतिम मुदत 15 मे 2025 ही निश्चित करण्यात आली आहे.

ही भरती विशेषतः अवजड वाहन परवाना असणाऱ्या आणि किमान दोन वर्षांचा अनुभव असलेल्या उमेदवारांसाठी सुवर्णसंधी ठरू शकते. मुंबईत नोकरीच्या शोधात असलेल्या तरुणांसाठी ही भरती एक स्थिर आणि प्रतिष्ठित नोकरी मिळवण्याची उत्तम संधी आहे.

BEST कडून जाहीर करण्यात आलेल्या अटींनुसार, उमेदवाराकडे अवजड वाहन चालविण्याचा वैध परवाना, PSV बॅच (पब्लिक सर्विस व्हेईकल बिल्ला), आणि दोन वर्षांचा प्रत्यक्ष वाहन चालविण्याचा अनुभव असणे अनिवार्य आहे. अर्ज करताना उमेदवाराचे वय किमान 21 वर्षे आणि कमाल 60 वर्षे असणे आवश्यक आहे.

या भरतीसाठी ऑनलाइन अर्जाची सुविधा नसून संपूर्ण प्रक्रिया ऑफलाइन पद्धतीने राबवली जाणार आहे. इच्छुक उमेदवारांनी मुंबईतील ठराविक BEST आगारांमध्ये प्रत्यक्ष जाऊन अर्ज सादर करावा लागेल. अर्ज स्वीकारण्याची ठिकाणे पुढीलप्रमाणे आहेत – मुंबई सेंट्रल, देवनार, घाटकोपर, मुलुंड, मागाठाणे आणि गोराई.

BEST Mumbai Bharti 2025 : भरतीसंदर्भातील तपशील पुढील तक्त्यात पाहा

पगाराच्या बाबतीत BEST आकर्षक पॅकेज देत असून सुरुवातीला ₹20,851/- मूळ वेतन देण्यात येईल. त्यासोबतच महागाई भत्ता, घरभाडे भत्ता, गणवेष भत्ता, सार्वजनिक सुट्ट्यांचे भत्ते, मोफत बस पास, प्रशिक्षण भत्ता आणि वार्षिक वेतनवाढ यांसारख्या अनेक सुविधाही मिळणार आहेत.

नोकरीची प्रक्रिया पूर्णपणे पारदर्शक असून अधिक माहिती हवी असल्यास उमेदवारांनी खालील संपर्क क्रमांकांवर थेट संपर्क साधावा – 9619312656, 9869826201, 9967839131, 9324756592.

BEST मध्ये नोकरी म्हणजे केवळ उत्पन्नाचं साधन नाही, तर मुंबई शहराच्या सेवा यंत्रणेशी जोडले जाण्याची संधी आहे. त्यामुळे इच्छुक आणि पात्र उमेदवारांनी ही संधी गमावू नये आणि तातडीने अर्जाची प्रक्रिया सुरू करावी.