गोवा विद्यापीठात सहाय्यक प्राध्यापक आणि व्यायामशाळा प्रशिक्षक पदांची भरती; विनापरिक्षा थेट निवड | Goa University Bharti 2025

Goa University Bharti 2025: गोवा विद्यापीठात विविध विभागांमध्ये सहाय्यक प्राध्यापक आणि व्यायामशाळा प्रशिक्षक पदांच्या भरतीसाठी पात्र उमेदवारांना संधी उपलब्ध झाली आहे. विद्यापीठाच्या अधिनस्त एकूण १३ सहाय्यक प्राध्यापक पदांसाठी थेट मुलाखती घेण्यात येणार आहेत. इच्छुक आणि पात्र उमेदवारांनी मुलाखतीसाठी ठराविक तारखांना उपस्थित राहण्याचे आवाहन विद्यापीठ प्रशासनाने केले आहे.

ही मुलाखत प्रक्रिया २६ आणि २७ जून तसेच १, २ आणि ३ जुलै २०२५ या दिवशी होणार असून, इच्छुकांनी गोवा विद्यापीठाच्या प्रशासकीय विभागातील कौन्सिल हॉल येथे सकाळी हजर राहावे. या पदासाठी अर्ज करणाऱ्या उमेदवारांकडे संबंधित विषयात मास्टर डिग्री असणे आवश्यक आहे. याशिवाय, अधिक तपशीलांसाठी उमेदवारांनी मूळ जाहिरात वाचावी, असा सल्लाही विद्यापीठाने दिला आहे. ही भरती पूर्णपणे मुलाखत पद्धतीने पार पडणार आहे.

Goa University Bharti 2025

याशिवाय, विद्यापीठात व्यायामशाळा प्रशिक्षक या पदासाठीदेखील भरती प्रक्रिया राबवण्यात येत आहे. या पदासाठी केवळ एक रिक्त जागा असून अर्ज प्रक्रिया पूर्णपणे ऑनलाईन पद्धतीने होणार आहे. या पदासाठी अर्ज करणाऱ्या उमेदवारांकडे किमान माध्यमिक शाळा प्रमाणपत्र (SSC) अथवा समतुल्य पात्रता असणे आवश्यक आहे. तसेच, उमेदवाराकडे दोन वर्षांचा व्यायामशाळा प्रशिक्षक म्हणून अनुभव असावा किंवा वेटलिफ्टिंग/ पॉवरलिफ्टिंग/ बॉडी बिल्डिंग क्षेत्रातील दोन वर्षांचा प्रशिक्षण कोर्स प्रमाणपत्र असणे आवश्यक आहे.

या पदासाठी ऑनलाईन अर्ज करण्याची अंतिम मुदत ४ जुलै २०२५ आहे. इच्छुक उमेदवारांनी विद्यापीठाच्या अधिकृत संकेतस्थळावर (https://www.unigoa.ac.in/) जाऊन अर्ज सादर करावा. अर्ज करण्यापूर्वी वेबसाइटवर दिलेल्या सूचनांचे वाचन करणे आवश्यक आहे, जेणेकरून कोणतीही त्रुटी राहू नये.

गोवा विद्यापीठातील या भरती प्रक्रियेमुळे उच्चशिक्षण क्षेत्रात काम करण्याची इच्छाशक्ती असलेल्या आणि संबंधित पात्रता धारक उमेदवारांना एक उत्तम संधी प्राप्त झाली आहे. त्यामुळे इच्छुकांनी संधीचा फायदा घेऊन त्वरित आवश्यक ती कागदपत्रे आणि पात्रतेची पूर्तता करून संबंधित तारखांना उपस्थित राहावे किंवा ऑनलाइन अर्ज प्रक्रिया पूर्ण करावी.