Cabinet Secretariat Recruitment 2025: केंद्र सरकारच्या मंत्रिमंडळ सचिवालयाने डेप्यूटी फील्ड ऑफिसर (DFO) पदांसाठी मोठी भरती जाहीर केली आहे. देशभरातील अभियांत्रिकी आणि तांत्रिक शाखेतील उमेदवारांसाठी ही सुवर्णसंधी मानली जात आहे. एकूण २५० जागांसाठी ही भरती केली जाणार आहे. अर्ज स्वीकारण्याची अंतिम तारीख १४ डिसेंबर २०२५ निश्चित करण्यात आली असून, प्रक्रिया केवळ ऑफलाइन माध्यमातून होणार आहे.
या पदांसाठी उमेदवारांकडे मान्यताप्राप्त विद्यापीठाची इंजिनिअरिंग किंवा टेक्नॉलॉजीमधील बॅचलर/मास्टर्स पदवी अनिवार्य आहे. यासोबतच संबंधित विषयातील GATE परीक्षा उत्तीर्ण असणे आणि वैध स्कोअरकार्ड आवश्यक आहे. निवड प्रक्रियेत स्वतंत्र लेखी परीक्षा घेतली जाणार नाही; उमेदवारांची निवड शैक्षणिक पात्रता आणि GATE स्कोअरवरच आधारित असेल, असे अधिसूचनेत स्पष्ट करण्यात आले आहे.
DFO पदासाठी मासिक वेतन ₹99,000 इतके निश्चित करण्यात आले आहे. उमेदवारांची कमाल वयोमर्यादा ३० वर्षे असून, आरक्षण प्रवर्गानुसार लागू शासनमान्य सवलती उपलब्ध असतील.
अर्ज प्रक्रिया संपूर्णपणे ऑफलाइन असल्याने उमेदवारांनी अधिसूचनेमध्ये उपलब्ध नमुन्याचा फॉर्म डाउनलोड करून प्रिंट काढणे आवश्यक आहे. फॉर्ममधील माहिती काळजीपूर्वक भरून, पासपोर्ट आकाराचा फोटो आणि शैक्षणिक कागदपत्रांच्या प्रती जोडून अर्ज स्पीड पोस्टद्वारे संबंधित पत्त्यावर पाठवायचा आहे. अंतिम मुदत लक्षात घेता अर्ज वेळेत पोहोचेल याची विशेष दक्षता घेण्याचे आवाहन सचिवालयाने केले आहे.
देशातील तांत्रिक क्षेत्रातील उमेदवारांसाठी परीक्षा न देता केवळ पात्रता व GATE स्कोअरच्या आधारे मिळणारी ही संधी विशेष मानली जात आहे.
| PDF जाहिरात | https://shorturl.at/9h9VJ |
| अधिकृत वेबसाईट | https://cabsec.gov.in/ |