Prasar Bharati Bharti 2025: प्रसार भारतीने 2025 साठी मोठी भरती जाहीर केली असून कॉपी एडिटर आणि महासंचालक या दोन पदांसाठी एकूण 31 रिक्त जागा उपलब्ध आहेत. इच्छुक आणि पात्र उमेदवारांकडून अर्ज ऑनलाइन पद्धतीने मागविण्यात आले आहेत. यापैकी कॉपी एडिटर पदांसाठी अर्ज करण्याची शेवटची तारीख 2 डिसेंबर 2025, तर महासंचालक पदांसाठी 31 डिसेंबर 2025 ही अंतिम मुदत निश्चित करण्यात आली आहे.
कॉपी एडिटर – 29 जागा
या पदासाठी उमेदवाराने मान्यताप्राप्त विद्यापीठातून कोणत्याही शाखेत पदवी मिळवलेली असणे आवश्यक आहे. उमेदवारांचे वय 35 वर्षांपर्यंत असावे. निवड झालेल्या उमेदवारांना दरमहा ₹35,000 इतके मानधन मिळणार आहे.
महासंचालक – 02 जागा
महासंचालक पदासाठी प्रसार भारतीने आवश्यक शैक्षणिक पात्रता जाहीर केलेली असून त्याविषयी अधिक माहिती उमेदवारांनी मूळ जाहिरातीतून तपासावी. या पदासाठी देखील वयोमर्यादा 35 वर्षे ठेवण्यात आली आहे. वेतनश्रेणी लेव्हल 16, म्हणजेच ₹2,05,500 ते ₹2,24,400 इतके वेतन देण्यात येईल.
