Pune Job Fair 2026 | पुण्यात ऑगस्टमध्ये दोन भव्य रोजगार मेळावे! १० वी, १२ वी, ITI, डिप्लोमा, पदवीधर उमेदवारांना संधी; जाणून ‘घ्या’ सविस्तर माहिती

पुणे जिल्ह्यातील बेरोजगार युवक-युवतींसाठी आनंदाची बातमी आहे. पुणे येथे ऑगस्ट २०२६(Pune Job Fair 2026)महिन्यात पंडित दीनदयाल उपाध्याय रोजगार मेळाव्यांच्या माध्यमातून दोन स्वतंत्र रोजगार मेळाव्यांचे आयोजन करण्यात आले आहे. या मेळाव्यांद्वारे विविध खाजगी नियोक्त्यांकडील रिक्त पदांसाठी पात्र उमेदवारांची निवड करण्यात येणार आहे. इच्छुक उमेदवारांनी आवश्यक कागदपत्रांसह संबंधित ठिकाणी प्रत्यक्ष उपस्थित राहून या रोजगार संधीचा लाभ घ्यावा, असे आवाहन करण्यात आले आहे.

पहिला रोजगार मेळावा ’13 वे पंडित दिनदयाल उपाध्याय जॉब फेअर दौंड’ या नावाने आयोजित करण्यात आला असून, या मेळाव्यात सुतार, प्रशिक्षणार्थी आणि ऑपरेटर या पदांसह विविध पदांसाठी एकूण 115 रिक्त जागा भरल्या जाणार आहेत. हा रोजगार मेळावा पूर्णपणे ऑफलाईन पद्धतीने होणार असून, इच्छुक उमेदवारांनी ११ ऑगस्ट २०२६ रोजी आवश्यक कागदपत्रांसह प्रत्यक्ष उपस्थित राहणे आवश्यक आहे.

या मेळाव्याचे आयोजन वीर बाजी पासलकर शासकीय औद्योगिक प्रशिक्षण संस्था (आयटीआय वेल्हे), ता. राजगड, जि. पुणे येथे करण्यात आले आहे. या भरती प्रक्रियेत खाजगी नियोक्त्यांचा सहभाग असणार असून, विविध क्षेत्रांमध्ये रोजगाराच्या संधी उपलब्ध करून दिल्या जाणार आहेत. शैक्षणिक पात्रतेसंदर्भातील संपूर्ण माहिती संबंधित अधिकृत तपशीलामध्ये पाहण्याचे आवाहन करण्यात आले आहे.

त्यानंतर पुणे जिल्ह्यात आणखी एक मोठा रोजगार मेळावा आयोजित करण्यात येणार आहे. ’14TH पंडित दीनदयाल उपाध्याय रोजगार मेळावा’ या नावाने आयोजित करण्यात आलेला हा मेळावा १९ ऑगस्ट २०२६ रोजी पार पडणार आहे. या मेळाव्याच्या माध्यमातून विविध प्रकारच्या रिक्त पदांसाठी उमेदवारांची निवड केली जाणार असून, या भरतीमध्ये देखील खाजगी नियोक्त्यांचा सहभाग असणार आहे.

दुसरा रोजगार मेळावा नवसह्याद्री ग्रुप ऑफ इन्स्टिट्यूशन, नायगाव, ता. भोर, जि. पुणे येथे आयोजित करण्यात आला आहे. इच्छुक आणि पात्र उमेदवारांनी आवश्यक कागदपत्रांसह दिलेल्या दिवशी संबंधित ठिकाणी उपस्थित राहून रोजगाराच्या संधीचा लाभ घ्यावा. हा मेळावाही पूर्णपणे ऑफलाईन स्वरूपात आयोजित करण्यात आला आहे.

पुणे जिल्ह्यातील युवक-युवतींना एकाच महिन्यात दोन मोठ्या रोजगार मेळाव्यांच्या माध्यमातून खाजगी क्षेत्रात नोकरी मिळविण्याची चांगली संधी उपलब्ध झाली आहे. विशेषतः आयटीआय, तांत्रिक शिक्षण किंवा संबंधित क्षेत्रातील पात्र उमेदवारांसाठी ही संधी महत्त्वाची ठरू शकते. त्यामुळे इच्छुक उमेदवारांनी संबंधित मेळाव्याच्या तारखा लक्षात ठेवून आवश्यक कागदपत्रांची तयारी करून वेळेत उपस्थित राहावे.

रोजगार मेळाव्यांचा तपशील : Pune Job Fair 2026

हेही वाचा : Central Railway Mumbai Bharti 2026 |सरकारी नोकरीची संधी! मुंबई मध्य रेल्वेत भरती; जाणून घ्या पात्रता व मुलाखतीचे वेळापत्रक

PDCC Bank Application Form | बँकेत नोकरीची मोठी संधी! PDCC बँकेत २८९ शिपाई पदांसाठी भरती; १० ऑगस्टपर्यंत अर्ज जाणून ‘घ्या’ सविस्तर माहिती