BRO Recruitment 2026 | १०वी, १२वी उत्तीर्णांसाठी 899 पदांची भरती; ४ जुलैपर्यंत करा ऑफलाईन अर्ज

सीमा रस्ते संघटना (BRO Recruitment 2026) अंतर्गत विविध पदांसाठी मोठ्या प्रमाणावर भरती प्रक्रिया सुरू करण्यात आली आहे. या भरतीअंतर्गत ड्राफ्ट्समन, हिंदी टायपिस्ट, स्टोअर कीपर टेक्निकल (SKT), ऑपरेटर कम्युनिकेशन, ऑपरेटर एक्सकॅव्हेटिंग मशिनरी (OEM) आणि इलेक्ट्रीशियन या पदांसाठी एकूण 899 रिक्त जागा भरल्या जाणार आहेत. संबंधित पदांसाठी पात्र उमेदवारांकडून ऑफलाईन पद्धतीने अर्ज मागविण्यात आले आहेत.

या भरतीसाठी अर्ज करू इच्छिणाऱ्या उमेदवारांनी पदानुसार आवश्यक शैक्षणिक पात्रता पूर्ण केलेली असणे आवश्यक आहे. काही पदांसाठी १०वी किंवा १२वी उत्तीर्ण उमेदवार पात्र असतील, तर काही पदांसाठी अतिरिक्त तांत्रिक पात्रता किंवा संबंधित ट्रेडचे प्रमाणपत्र आवश्यक असू शकते. त्यामुळे अर्ज करण्यापूर्वी उमेदवारांनी अधिकृत जाहिरात काळजीपूर्वक वाचणे आवश्यक आहे.

या भरतीसाठी अर्जदारांचे वय 18 ते 27 वर्षे दरम्यान असावे. तसेच अर्जासोबत 50 रुपये अर्ज शुल्क भरावे लागणार आहे. अर्ज केवळ ऑफलाईन स्वीकारले जाणार असल्याने उमेदवारांनी निर्धारित नमुन्यात अर्ज भरून आवश्यक कागदपत्रांसह टपालाद्वारे पाठवणे आवश्यक आहे.

भरतीचा संक्षिप्त तपशील : BRO Recruitment 2026

अर्ज करण्याची अंतिम तारीख

• सामान्य राज्यांतील उमेदवारांसाठी – ४ जुलै २०२६
• ईशान्येकडील राज्ये व दुर्गम भागातील उमेदवारांसाठी – १९ जुलै २०२६

BRO ने जारी केलेल्या सूचनेनुसार सर्व अर्ज ऑफलाईन स्वरूपातच स्वीकारले जाणार आहेत. अर्जाचा नमुना, आवश्यक कागदपत्रांची यादी तसेच पात्रतेसंबंधीची सविस्तर माहिती अधिकृत जाहिरातीत देण्यात आली आहे. त्यामुळे कोणतीही चूक टाळण्यासाठी अर्ज करण्यापूर्वी अधिकृत PDF जाहिरात काळजीपूर्वक वाचणे आवश्यक आहे.

अर्ज भरल्यानंतर आवश्यक कागदपत्रे जोडून अर्ज खालील पत्त्यावर निर्धारित मुदतीपूर्वी टपालाद्वारे पाठवावा.

अर्ज पाठविण्याचा पत्ता:
कमांडंट, GREF केंद्र, दिघी कॅम्प, पुणे – 411015

नोकरीच्या शोधात असलेल्या १०वी, १२वी तसेच तांत्रिक पात्रता असलेल्या उमेदवारांसाठी ही एक चांगली संधी मानली जात आहे. इच्छुक व पात्र उमेदवारांनी अंतिम तारखेची वाट न पाहता वेळेत अर्ज प्रक्रिया पूर्ण करावी.