महाराष्ट्र राज्य वीज वितरण कंपनी लिमिटेड (Mahavitaran Pachora Bharti 2026 ), पाचोरा विभाग, जिल्हा जळगाव येथे शिकाऊ (Apprentice) पदांच्या भरतीची घोषणा करण्यात आली आहे. या भरती प्रक्रियेअंतर्गत इलेक्ट्रिशियन आणि वायरमन या व्यवसायांमध्ये एकूण 52 रिक्त जागा भरण्यात येणार आहेत. संबंधित पदांसाठी पात्र उमेदवारांकडून ऑफलाइन (प्रत्यक्ष) पद्धतीने अर्ज मागविण्यात आले असून, इच्छुक उमेदवारांनी निर्धारित कालावधीत अर्ज सादर करावेत.
महावितरणच्या या भरतीमध्ये अर्ज करण्यासाठी उमेदवारांना प्रत्यक्ष कार्यालयात जाऊन अर्ज जमा करावा लागणार आहे. ऑनलाइन अर्जाची सुविधा उपलब्ध नसून, सर्व अर्ज ऑफलाइन स्वरूपात स्वीकारले जाणार आहेत. अर्ज स्वीकारण्याची मुदत 20 जुलै 2026 ते 22 जुलै 2026 अशी निश्चित करण्यात आली आहे. अंतिम तारखेनंतर प्राप्त होणाऱ्या अर्जांचा कोणत्याही परिस्थितीत विचार केला जाणार नसल्याचे स्पष्ट करण्यात आले आहे.
भरतीचा तपशील : Mahavitaran Pachora Bharti 2026
| बाब | माहिती |
|---|---|
| संस्था | महाराष्ट्र राज्य वीज वितरण कंपनी लिमिटेड (महावितरण) |
| भरती वर्ष | 2026 |
| पदाचे नाव | शिकाऊ (इलेक्ट्रिशियन, वायरमन) |
| रिक्त पदे | 52 |
| नोकरीचे ठिकाण | पाचोरा, जिल्हा जळगाव |
| अर्ज पद्धत | ऑफलाइन (प्रत्यक्ष) |
| अर्ज कालावधी | 20 ते 22 जुलै 2026 |
या भरतीसाठी आवश्यक शैक्षणिक पात्रता संबंधित पदाच्या आवश्यकतेनुसार निश्चित करण्यात आली असून, उमेदवारांनी अर्ज करण्यापूर्वी अधिकृत जाहिरात काळजीपूर्वक वाचावी. शैक्षणिक पात्रतेसंबंधी सविस्तर माहिती मूळ जाहिरातीत उपलब्ध आहे.
वयोमर्यादेबाबत बोलायचे झाल्यास, अर्जदाराचे वय 18 ते 30 वर्षांच्या दरम्यान असणे आवश्यक आहे. पात्र उमेदवारांनी अर्जासोबत शैक्षणिक प्रमाणपत्रे तसेच इतर आवश्यक कागदपत्रांच्या साक्षांकित छायांकित प्रती जोडणे बंधनकारक आहे. आवश्यक कागदपत्रे न जोडलेल्या अर्जांचा विचार केला जाणार नाही.
अर्ज खालील पत्त्यावर प्रत्यक्ष सादर करावा लागणार आहे.
कार्यकारी अभियंता,
महाराष्ट्र राज्य विद्युत वितरण कंपनी मर्यादित,
विभागीय कार्यालय, गिरड रोड,
पाचोरा, जि. जळगाव.
महावितरणने स्पष्ट केले आहे की उमेदवारांची निवड पदवी आणि पदविका परीक्षेतील गुणांच्या गुणवत्ता यादीनुसार (Merit) केली जाईल. स्वतंत्र लेखी परीक्षा किंवा मुलाखतीबाबत जाहिरातीत कोणतीही माहिती देण्यात आलेली नाही. निवड झालेल्या उमेदवारांची अंतिम यादी जळगाव परिमंडळ कार्यालयाच्या नोटीस बोर्डावर प्रसिद्ध करण्यात येणार आहे.
इच्छुक उमेदवारांनी अर्ज सादर करण्यापूर्वी अधिकृत जाहिरात काळजीपूर्वक वाचून पात्रता, आवश्यक कागदपत्रे आणि इतर अटींची खात्री करूनच अर्ज करावा. भरती प्रक्रियेबाबत अधिक माहितीसाठी महावितरणच्या अधिकृत संकेतस्थळावरील जाहिरात पाहण्याचे आवाहन करण्यात आले आहे.
| PDF जाहिरात | https://lnk.ua/VNMu4ABlv |
| अधिकृत वेबसाईट | www.mahadiscom.in |