GMC Latur Bharti 2026 | लातूर शासकीय वैद्यकीय महाविद्यालय व रुग्णालयात ७९ पदांची भरती; १० सप्टेंबरपर्यंत ऑनलाइन अर्जाची संधी

विलासराव देशमुख शासकीय वैद्यकीय महाविद्यालय व रुग्णालय, लातूर(GMC Latur Bharti 2026)अंतर्गत विविध पदांच्या एकूण ७९ रिक्त जागा भरण्यासाठी भरती प्रक्रिया जाहीर करण्यात आली आहे. या भरतीमध्ये कक्षसेवक, बाह्यरुग्ण विभाग सेवक, शिपाई, माळी, स्वयंपाकी, क्ष-किरण सेवक, प्रयोगशाळा परिचर, रक्तपेढी परिचर, अपघात विभाग सेवक, सहाय्यक स्वयंपाकी, पहारेकरी, न्हावी आणि धोबी अशा विविध पदांचा समावेश आहे. संबंधित पदांसाठी आवश्यक शैक्षणिक पात्रता पूर्ण करणाऱ्या उमेदवारांकडून ऑनलाइन अर्ज मागविण्यात येत आहेत.

लातूर येथे नोकरीची संधी शोधणाऱ्या उमेदवारांसाठी ही भरती महत्त्वाची आहे. उपलब्ध माहितीनुसार या भरतीसाठी वयोमर्यादा १८ ते ३८ वर्षे आहे. मात्र, पदनिहाय शैक्षणिक पात्रता वेगवेगळी असू शकते. त्यामुळे इच्छुक उमेदवारांनी अर्ज करण्यापूर्वी अधिकृत जाहिरात आणि त्यामधील पात्रतेच्या अटी काळजीपूर्वक वाचणे आवश्यक आहे.

महत्त्वाची माहिती : GMC Latur Bharti 2026

या भरतीमध्ये कक्षसेवक, बाह्यरुग्ण विभाग सेवक, शिपाई, माळी, क्ष-किरण सेवक, प्रयोगशाळा परिचर, रक्तपेढी परिचर, अपघात विभाग सेवक, सहाय्यक स्वयंपाकी, पहारेकरी आणि धोबी या पदांसाठी दिलेली वेतनश्रेणी १५,००० ते ४७,६०० रुपये प्रतिमहिना आहे. तर स्वयंपाकी आणि न्हावी या पदांसाठी १६,६०० ते ५२,४०० रुपये प्रतिमहिना वेतनश्रेणी देण्यात आली आहे.

पदनिहाय वेतनश्रेणी

हेही वाचा : High Explosives Factory Khadki Pune Bharti 2026 | पुण्यात उच्च विस्फोटक निर्मणीमध्ये ८५ पदांची भरती; ITI उमेदवारांना संधी, १० सप्टेंबरपर्यंत अर्ज

केंद्रीय प्रदूषण नियंत्रण मंडळ भरती २०२६; विविध पदांसाठी ५१ जागांची भरती, ७ सप्टेंबरपर्यंत अर्जाची संधी | CPCB Bharti 2026

या भरतीसाठी अर्ज प्रक्रिया ऑनलाइन पद्धतीने आहे. अर्ज करण्यापूर्वी उमेदवारांनी वेबसाइटवर उपलब्ध असलेल्या सूचना काळजीपूर्वक वाचणे आवश्यक आहे. अर्जामध्ये मागविण्यात आलेली सर्व माहिती अचूकपणे भरावी तसेच आवश्यक कागदपत्रे अपलोड करावीत.

अर्ज शुल्काबाबत उपलब्ध माहितीनुसार अराखीव म्हणजेच खुल्या प्रवर्गातील उमेदवारांसाठी १,००० रुपये, राखीव प्रवर्गातील उमेदवारांसाठी १०० रुपये, तर माजी सैनिकांसाठी अर्ज शुल्कातून सूट देण्यात आली आहे.

या भरतीसाठी अर्ज करण्याची अंतिम तारीख १० सप्टेंबर २०२६ आहे. त्यामुळे पात्र उमेदवारांनी अंतिम तारखेपूर्वी ऑनलाइन अर्ज प्रक्रिया पूर्ण करणे आवश्यक आहे. अर्ज करण्यापूर्वी पदनिहाय पात्रता, आवश्यक कागदपत्रे, शुल्क आणि इतर अटी अधिकृत जाहिरातीतून तपासणे महत्त्वाचे आहे.

अधिक माहितीसाठी आणि ऑनलाइन अर्ज करण्यासाठी विलासराव देशमुख शासकीय वैद्यकीय महाविद्यालय व रुग्णालय, लातूर यांच्या अधिकृत वेबसाइटवरील भरतीची जाहिरात पाहावी.