Mahavitaran Jalgaon Bharti 2026 | महावितरण जळगावमध्ये नोकरीची संधी! 20 ते 22 जुलैपर्यंत ऑफलाइन अर्ज करा; जाणून ‘घ्या’ सविस्तर माहिती

महाराष्ट्र राज्य वीज वितरण कंपनी लिमिटेड (Mahavitaran Jalgaon Bharti 2026), जळगाव परिमंडळामार्फत शिकाऊ (Apprentice) पदांसाठी भरती प्रक्रिया सुरू करण्यात आली आहे. या भरतीअंतर्गत इलेक्ट्रिशियन आणि वायरमन या व्यवसायांमध्ये एकूण 34 रिक्त जागा भरल्या जाणार आहेत. संबंधित पदांसाठी पात्रता असलेल्या उमेदवारांकडून ऑफलाइन (प्रत्यक्ष) पद्धतीने अर्ज मागविण्यात आले आहेत.

या भरती प्रक्रियेसाठी अर्ज करण्याची मुदत 20 जुलै 2026 ते 22 जुलै 2026 अशी निश्चित करण्यात आली आहे. इच्छुक आणि पात्र उमेदवारांनी निर्धारित कालावधीत अर्ज सादर करणे आवश्यक आहे. मुदत संपल्यानंतर प्राप्त होणाऱ्या अर्जांचा कोणत्याही परिस्थितीत विचार केला जाणार नाही.

भरतीचा संक्षिप्त तपशील : Mahavitaran Jalgaon Bharti 2026

उमेदवारांची शैक्षणिक पात्रता संबंधित पदाच्या आवश्यकतेनुसार असणार आहे. त्यामुळे अर्ज करण्यापूर्वी अधिकृत जाहिरात काळजीपूर्वक वाचून पात्रतेची खात्री करून घेणे आवश्यक आहे.

अर्ज कुठे करावा?

इच्छुक उमेदवारांनी आपला अर्ज खालील पत्त्यावर प्रत्यक्ष सादर करावा.

कार्यकारी अभियंता,
महाराष्ट्र राज्य विद्युत वितरण कंपनी मर्यादित,
विभागीय कार्यालय, जुने पॉवर हाऊस,
सिव्हील हॉस्पिटल समोर, दीक्षितवाडी,
जळगाव, जि. जळगाव

अर्ज करताना आवश्यक सूचना

या भरतीसाठी अर्ज केवळ ऑफलाइन स्वरूपात स्वीकारले जाणार आहेत. अर्जासोबत शैक्षणिक पात्रता तसेच इतर आवश्यक कागदपत्रांच्या साक्षांकित छायाप्रती जोडणे बंधनकारक आहे. आवश्यक कागदपत्रे न जोडल्यास संबंधित अर्ज ग्राह्य धरला जाणार नाही.

त्याचप्रमाणे अर्ज करण्याची अंतिम मुदत संपल्यानंतर प्राप्त होणारे अर्ज स्वीकारले जाणार नाहीत. त्यामुळे उमेदवारांनी वेळेत अर्ज सादर करावा.

निवड प्रक्रिया

या भरतीमध्ये उमेदवारांची निवड पदवी आणि पदविका परीक्षेत मिळालेल्या गुणांच्या गुणवत्ता यादीच्या (Merit) आधारे करण्यात येणार आहे. स्वतंत्र लेखी परीक्षा किंवा मुलाखतीबाबत कोणतीही माहिती प्रसिद्ध करण्यात आलेली नाही.

निवड झालेल्या उमेदवारांची अंतिम यादी महावितरण जळगाव परिमंडळ कार्यालयाच्या नोटीस बोर्डावर प्रसिद्ध करण्यात येणार आहे.

उमेदवारांनी अर्ज करण्यापूर्वी अधिकृत जाहिरात काळजीपूर्वक वाचावी तसेच सर्व पात्रता, आवश्यक कागदपत्रे आणि अटींची खात्री करूनच अर्ज सादर करावा. भरतीसंदर्भातील अधिक माहितीसाठी महावितरणच्या अधिकृत संकेतस्थळ www.mahadiscom.in ला भेट देता येईल.