Kendriya Vidyalaya Chhatrapati Sambhajinagar Bharti 2026 | शिक्षक होण्याची सुवर्णसंधी! केंद्रीय विद्यालयात विविध पदांसाठी भरती; जाणून ‘घ्या’ सविस्तर माहिती

केंद्रीय विद्यालय छत्रपती संभाजीनगर (Kendriya Vidyalaya Chhatrapati Sambhajinagar Bharti 2026) येथे विविध शिक्षक आणि प्रशिक्षक पदांसाठी भरती प्रक्रिया जाहीर करण्यात आली आहे. या भरतीअंतर्गत टीजीटी (TGT), प्राथमिक शिक्षक (Primary Teacher), संगणक प्रशिक्षक (Computer Instructor) आणि व्यावसायिक शिक्षक (Vocational Teacher) या पदांवरील रिक्त जागा भरण्यात येणार आहेत. या पदांसाठी पात्र उमेदवारांकडून अर्ज मागविण्याऐवजी थेट मुलाखतीच्या माध्यमातून निवड प्रक्रिया राबविण्यात येणार आहे. इच्छुक आणि पात्र उमेदवारांनी निर्धारित तारखेला आवश्यक कागदपत्रांसह मुलाखतीस उपस्थित राहावे.

केंद्रीय विद्यालय छत्रपती संभाजीनगर भरती 2026 अंतर्गत मुलाखतीचे आयोजन 16 जुलै 2026 रोजी करण्यात आले आहे. उमेदवारांनी मुलाखतीस उपस्थित राहण्यापूर्वी संबंधित पदासाठी आवश्यक शैक्षणिक पात्रता, अनुभव (लागू असल्यास) आणि इतर पात्रता निकषांची खात्री करून घ्यावी. प्रत्येक पदासाठी आवश्यक शैक्षणिक पात्रता वेगवेगळी असून त्याची सविस्तर माहिती अधिकृत जाहिरातीत देण्यात आली आहे.

भरतीचा तपशील : Kendriya Vidyalaya Chhatrapati Sambhajinagar Bharti 2026

निवड प्रक्रिया कशी असेल?

या भरतीमध्ये कोणतीही लेखी परीक्षा घेतली जाणार नाही. केवळ संबंधित पदासाठी आवश्यक पात्रता पूर्ण करणाऱ्या उमेदवारांची थेट मुलाखत घेतली जाईल. मुलाखतीच्या आधारे पात्र उमेदवारांची निवड केली जाणार आहे.

मुलाखतीस उपस्थित राहताना उमेदवारांनी आवश्यक मूळ कागदपत्रे, त्याच्या छायाप्रती, शैक्षणिक प्रमाणपत्रे, ओळखपत्र आणि इतर आवश्यक कागदपत्रे सोबत आणावीत. उमेदवारांनी मुलाखतीपूर्वी अधिकृत जाहिरात काळजीपूर्वक वाचून सर्व सूचना पाळणे आवश्यक आहे.

महत्त्वाचे म्हणजे, मुलाखतीस उपस्थित राहणाऱ्या उमेदवारांना कोणताही प्रवास भत्ता (TA) किंवा दैनिक भत्ता (DA) दिला जाणार नाही. त्यामुळे उमेदवारांनी स्वतःच्या खर्चाने मुलाखतीस उपस्थित राहावे.

केंद्रीय विद्यालयामध्ये अध्यापन क्षेत्रात करिअर करण्याची इच्छा असलेल्या उमेदवारांसाठी ही एक चांगली संधी मानली जात आहे. त्यामुळे पात्र उमेदवारांनी मुलाखतीची तारीख लक्षात ठेवून वेळेत उपस्थित राहावे आणि अधिक माहितीसाठी अधिकृत PDF जाहिरात तसेच केंद्रीय विद्यालयाच्या अधिकृत संकेतस्थळावरील सूचना अवश्य तपासाव्यात.